الرجوع من عرفة الى مزدلة

ARAFA’ARRAA GARA MUZDALIFA’AA DACHA’UU

Hoggaa isaanii dirree arafa’aa dhaabbatu takkaa jiru aduun seente, arafa’arraa gara muzdalifa’aa jigan yookaa dacha’an. Maghriba arafa’atti hin salaatanii tanaaf jecha maghriba,ishaa`iidhan wajji muzdalifaadhatti salaatuu niyyatanii arafa`atti maghriba salaatuu dhiisan kan gara muzdalifaa yaa`uu malee waan biraa hin dalayne duuba hoggaa muzdalifa gayan, maghribaafii, ishaa`ii walitti qabaniiti wajji salaatan . 

Hoggaa arafa`arraa gara muzdalifaa jigan, zikri`iifii, talbiyaa, qur`aana qara`uu, du`aa`ii heddommeysun akkaan barbaadama akkasuma takbiiraadhafii tahliila godhuun , ni barbaadama hunoo akkana je`anii

لاَ اله الا الله والله اكبر

{ LAA ILAAHA ILLALLAAHU WALLAAHU  AKBAR }

Ma`naan isaa :

 Rabbi malee Rabbiin biraa hin jiru Rabbiin guddate ol taye jechuu .

Ammas hoggaa arafa`arraa gara  muzdalifaa yaa`an du`aa`ii as deemtu tana je`uun gaarii

اليك اللهم ارغب واياك ارجو فتقبل نسكي ووفقنى وارزقنى  فيه  من الخير  اكثر مما اطلب  ولا تخيبني انك أنت الجواد الكريم   

{ ILEYKALLAAHUMMA ARGHABU WA IYYAAKA ARJUU FATAQABAL NUSUKII WA WAFFIQNII WARZUQNII FIINAA MINALKHAYRI AKTHARA MIMMAA AXLUBU WA LAA TUKHAYYIBNII INNAKA ANTALJAWAADULKARIIM }

Ma`naan isaa :

Yaa Rabbin an gara keetan hamilaa sin kajeelaa hajji tiyya narraa qeebali,narraa jaaladhu,waan gaarii na qunnamsiisi hajji tiyya tana keessatti waan gaarii kan waanan an si kadhadhe caalu naa kenni yaa Rabbi nan hoongessin ati arjaa kennaa heddommaatuu .

Wanni beekun nurra jiru{ muzdalifaan } arafa`aafii{ mina}jidduu jirti.kiilo shan shantu isaan jidduu jira .

Hoggaa arafarraa gara muzdalifaa deeman suutuma akkuma aada`atti deeman haa tayuu hoggaa karaa argatan ni saffisan.

Hoggaa{ muzdalifa}gayan odoo mishaa hin hiikanne maghribaafii ishaa`ii salaatan duuba achi bulan .  

Ma`naan muzdalifa bulu`uu eega wal akkaan halkan iidaa dabree achitti argamuu odoo hanga liphiidhaa takkallee taatee odoo keessuma dabrullee taatee ammoo yoo akka jennetti muzdalifa buluu baate takkaa odoo halkan wal`akkaa hin gayin achi deeme kan odoo salaanni subiidhaa hin gayin achitti hin deebi`in waa qaluu qaba haa tayuu odoo waajibni muzdalifaa bulu`uu yaroo xiqqoo eega wal`akkaa halkan iidatii  achitti argamuu tayuu wanni gaarin achi dhaqanii galgalarraa hanga subiin gayutti achi taa`anii subii salaatanii hanga aduun bayu`uu dhiyaattutti achitti argamuu .

Duuba eega subii salaatanii bakka { mashkgarulhgaraam}je`amtu dhaabbatuu achitti du`aa`iidhafii zikrii godhuu bakka { mashgarulhgaraam } je`amtu san bakka ol fuudhamtuu alaamaa diimtuu qabdu dhaabatuu ammallee iidaf jecha , halkan keessa dhiqatuun ni barbaadama ni jaalatama halkan iidaa kana ibaada`aan jiraachisuun akkaan barbaadama du`aa`ii halkan kana godhatanirraa takka hunoo tana 

اللهم انى اسألك ان ترزقني فى هذا المكان جوامع الخير كله وأن تصلح شأني كله وأن تصرف عنى الشر كله فانه لا يفعل ذلك غيرك ولا يجود به الا انت .

{ ALLAAHUMMA INNII AS`ALUKA AN TARZUQNII FII HAAZHAL MAKAANI JAWAAMIKGAL KHEYRI KULLIHII , WA AN TUSGLIHGA SHA`NII KULLAHUU, WA AN TASGRIFA KGANNII ALSHARRA KULLA HUU FA INNAHUU LAA YAFKGALU ZHAALIKA GHAYRUKA  } .

Ma`naan isaa akkana :

Yaa Rabbi yaa waaqa wannin si kadhadhu bakkan amma jiru tanatti , waan kheyrii taye waan toltuu taye hunda naa kennuu ammallee wannin si kadhadhu waan haala kiyya taye hunda waan dubbii tiyya taye hunda naa tolchu`u waan balaa taye hunda narraa qabuu yaa Rabbi waanin si kadhe kana si malee namni dalaguu dandayu hin jiruu si malee namni waan san namaa kennu hin jiruu .

Dhagaa torba kan guyyaa iidaa boolaa sadeen{mina} jirturraa boolla boolla{ kgaqabaadhaa } je`amtutti darbatan muzdalifa`arraa guuratuu .

Ammoo dhagaa boolla sadeenittuu guyyaa sadeen iida boodaa darbatan bakka muzdalifa hin tayinirraa guuratu`uutu irra caala .

Dhagaan kun hanga mataa qubbeenii yookaa firii baaqila`aa tayuu sanirra guddatu`uufii sanirraa xiqqaatulleen ni jibbama dhagaan darbatan cirrachuma odoo hin caccaphsin hanga firii baaqila`aa gayu tayuu ammoo dhagaa gurguddaa xixiqqeessu`uu jecha caccaphsuun ni jibbama yoo dhabni godhe malee haa tayuu dhagaa darbu san bakkuma fedhee yoo fudhatee darbate,ni gaya yoo masjida waqfi`ii keessa hin jirrerraa dhagaa san fudhate ni gaya ni jibbama malee ammoo masjida waqfii keessa jirurraa dhagaa boollatti darbatan san fudhatuun haraamii ni dhoowwama ammas bakka najisarraa fudhatuun akkasuma dhagaa namni darbaterraa fudhatuun ni jibbama .